اسلامی جمہوریہ ایران کے شاندار اسلامی انقلاب کی 45ویں سالگرہ کے موقع پر خانہ فرہنگ اسلامی جمہوریہ ایران پشاور کے زیر انتظام شیراز گیدرینگ ہال میں ثقافتی نمائش کا انعقاد کیا گیا۔ یہ نمائش دستکاری مصنوعات، ایران کی دلچسپ سیاحتی مقامات کی تصاویر اور کتاب اور اسلامی انقلاب کی تصاویر پر مشتمل تھا۔ گورنر خیبر پختونخوا حاجی غلام علی ، اسلامی جمہوریہ ایران کے قونصل جنرل علی بنفشہ خوا، خانہ فرہنگ اسلامی جمہوریہ ایران پشاور کے ڈائریکٹر جنرل ڈاکٹر حسین چاقمی اور دیگر مہمانان نے اس ثقافتی نمائش کا معائنہ کیا۔ اس موقع پر انقلاب اسلامی ایران کی گزشتہ 44 سالوں کے دوران حاصل کی گئی کامیابیوں کی دستاویزی فلم بھی دیکھائی گئی۔

مولیٰ الموحدین حضرت علی ابن ابی طالب علیہ السلام کے یوم ولادت باسعادت کے موقع پر خانہ فرہنگ ایران پشاور اور "منہاج القرآن ویمن لیگ پشاور" کے اشتراک سے ایک پروگرام کا انعقاد کیا گیا۔

خانہ فرہنگ اسلامی جمہوریہ ایران پشاور نے کاروان حؤا ادبی فورم کے اشتراک سے ولادت حضرت فاطمۃ الزہراؑ کی دن کی مناسبت سےپشاور میں 16 وومن کالجز کی سٹوڈنٹس کے مابین خصوصی تقریری مقابلے کا انعقاد کیا گیا۔ مقابلے کا عنوان ”سیرت حضرت زہراؑ کی روشنی میں خواتین کا معاشرے میں کردار“ تھا۔

خانہ فرہنگ ایران پشاور میں شہید قدس سردار قاسم سلیمانی اور ان کے باوفا ساتھی ابو مہدی المہندس کے چوتھی برسی کی مناسبت سے "شہید سلیمانی اسلامی مقاومت کی مثال" کے عنوان سے ایک سیمینار کا انعقاد کیا گیا جس میں پشاور میں تعینات ایرانی قونصل جنرل جناب علی بنفشہ خواہ، خانہ فرہنگ ایران پشاور کے ڈائریکٹر جنرل جناب ڈاکٹر حسین چاقمی اور ملک کے مختلف حصوں سے آئے ہوئے شیعہ اور سنی علماء سمیت یونیورسٹی پروفیسرز اور اساتید، اور کثیر تعداد میں حاج قاسم سلیمانی کے عاشقوں نے شرکت کی۔

انسانیت کے مشترکہ مسائل سے نمٹنے کیلئے تمام مذاہب میں امن و سلامتی اور دنیا میں عدل و انصاف کے قیام پر زور دیا گیا، خانہ فرہنگ ایران پشاور میں "دنیامیں ظلم کے خلاف ادیان کا کردار" کانفرنس سے شرکاء کا خطاب

خانہ فرہنگ ایران پشاور میں ۲0 دسمبر ۲۰۲۲ جو کہ سال کی سب سے طویل اور سرد رات مانی جاتی ہے، شب یلدا کا اہتمام کیا گیا۔ اس جشن میں پاکستان کے شہرپشاور میں مقیم ایرانی اور پشاور یونیورسٹی کےاساتید اور فارسی زبان کے طلبا و طلبات اور خانہ فرہنگ پشاور میں فارسی طلبا نےبھرپور شرکت کی۔

اسلامیہ کالج یونیورسٹی پشاور میں اسلامی جمعیت طلبہ کے زیر اہتمام تین روز ہ ایجوکیشنل ایکسپو میں خانہ فرہنگ اسلامی جمہوریہ ایران پشاور نے بھی شرکت کی اور کلچرل سٹال لگائی۔ ایکسپو کا افتتاح سیکرٹری خوراک ظریف المانی نے کیا۔اس موقع پر ڈائریکٹر جنرل خانہ فرہنگ پشاور ڈاکٹر حسین چاقمی نے ایجوکیشن اور تربیت کے موضوع پر خطاب بھی کیا۔ اور خطاب کے بعد کوئز مقابلہ میں پہلی، دوسری اور تیسری پوزیشن لینے والے طلباء میں انعامات اور شیلڈز تقسیم کیں۔ ڈائریکٹر جنرل خانہ فرہنگ پشاور ڈاکٹر حسین چاقمی نے کتب میلہ کے مختلف سٹالز کا دورہ کیا ۔

علامہ اقبال نے فلسطینیوں کے ساتھ ہونے والے مظالم کی پیش گوئی سو سال قبل کر دی تھی اگر عالم اسلام نے یہودی لابی کا راستہ نہ روکا تو یہ مظالم مزید بڑھیں گے ۔ ان خیالات کا اظہار خانہ فرہنگ ایران کے ڈائریکٹر جنرل ڈاکٹر حسن چا قمی نے خانہ فرہنگ اسلامی جمہوریہ ایران پشاور میں'' علامہ اقبال اور فلسطین'' کے عنوان سے ایک ادبی نشست سے خطاب کر تے ہوئے کیا ۔ اس موقع پر ڈاکٹر فقیرا خان فقری ، ڈاکٹر شہید حسین سہروردی، ڈاکٹر انتل ضیا، ڈاکٹر فرحانہ قاضی، ڈاکٹر سید نعیم شاہ بخاری، ڈاکٹر حسین محمود، ڈاکٹر طیب نواز، اسلم میر، سید غیورحسین حسینی اور دیگر نے بھی اقبال کے فلسطین سے متعلق خدشات پر روشنی ڈالی ۔ ڈی جی خانہ فرہنگ ایران پشاور ڈاکٹر حسن چا قمی نے کہا کہ مغربی دنیا جس انداز سے فلسطین میں اسرائیل کی آباد کاری اپنا حق سمجھتی تھی اس کا اظہار انہوں کچھ اس طرح کیا ہے کہ !

خانہ فرہنگ اسلامی جمہوریہ ایران پشاور میں خواتین پر تشدد کے خلاف عالمی دن کے حوالے سے "غزہ میں خواتین اور بچوں کے حقوق کی پامالی کا مختلف جہتوں سے جائزہ "کے عنوان سے ایک کانفرنس کا انعقاد کیا گیا،جس میں مختلف شعبہ ہای زندگی سے تعلق رکھنے اور فلسطین اور غزہ سے عقیدت رکھنے والوں نے شرکت کی۔ اس کانفرنس کے میزبان اور خانہ فرہنگ اسلامی جمہوریہ ایران پشاور کے ڈائریکٹر جنرل ڈاکٹر حسین چاقمی نے کانفرنس سے خطاب کرتے ہوئے کہا: فلسطینی ماؤں نے حضرت فاطمہ سلام اللہ علیہا کی سیرت کو اپنا اسوہ قرار دیتے ہوئے صبر اور استقامت سے کام لیا ہے۔ انہوں نے کہا: کانفرنس میں شریک پاکستانی مائیں غزہ کی ماؤں کا دکھ درد محسوس کررہی ہیں اور یہ مائیں آج ان کےساتھ غم بانٹنے اور غزہ کی ماؤں کا آواز بنے کے لئے جمع ہوئی ہیں۔