گزشتہ روز خانہ فرہنگ  اسلامی جمہوریہ ایران پشاور کے ڈائریکٹر جنرل جناب مہران اسکندریان کے ساتھ پشاور کی ایڈیشنل ڈپٹی کمشنر محترمہ سیدہ زینب نقوی، بیشپ ارنسٹ جیکب، خیبرپختونخوا اسمبلی میں اقلیتوں کے نمائندے  جناب ولسن وزیر، خیبرپختونخوا   کے کلچرل  محقق اور مشہور مورخ ڈاکٹر علی جان اور اگسٹن جیکب نے خانہ فرہنگ میں ملاقات کی اور الہی پیغمبروں کے مشن، ایران اور پاکستان میں مذہبی اقلیتوں کی صورتحال پر تبادلہ خیال کیا اور دو طرفہ تعاون کو مضبوط بنانے کے طریقے پیش کیے۔

پشاور میں خانہ فرہنگ ایران کے ڈائریکٹر جنرل جناب مہران اسکندریان نے خانہ فرہنگ میں آمد پر خوش آمدید اور اطمینان کا اظہار  کیا اور ایرانی مذہبی اقلیتوں اور عیسائیوں کی صورتحال پر رپورٹ پیش کرتے ہوئے حضرت عیسیٰ علیہ السلام کی ولادت با سعادت کی مبارکباد پیش کی۔ اور کہا کہ ایران میں اقلیتوں کو مختلف سیاسی اور پارلیمانی میدانوں، ثقافتی، اقتصادی وغیرہ میں ان کی موجودگی کے ساتھ ساتھ ثقافتی اور مذہبی پروگراموں کے انعقاد کی آزادی  بھی آزادی ہے۔ انہوں نے کہا: حضرت عیسیٰؑ اور محمد (صلی اللہ علیہ وآلہ وسلم) دو پیغمبر اور رسول ہیں جو ہدایت، عزت، انسانیت کی خوشی اور ایک محفوظ اور پرامن دنیا کے قیام  کیلئے خدا کے بھیجے ہوئے ہیں۔ اور یہ بات انتہائی افسوسناک ہے کہ مذہب کے نام پر اور انتہائی تعصبات کے حامل کچھ لوگوں نے تشدد کا ہتھیار فراہم کیا ہے اور دنیا کو عدم تحفظ اور دہشت کی طرف لے جایا  جا رہاہے۔

مہران اسکندریان نے مزید کہا: مذہب کے بارے میں جنونی اور انتہا پسندانہ نظریہ مذہب اور مذہبیت پر ظلم و ستم ہے، اور انتہا پسندی، ایک دوسرے کو قبول کرنے اور برداشت کرنے کی مزاحمت، باہمی احترام کا فقدان مذہب کے جوہر کو نقصان پہنچائے گا۔ جب کہ مذہبی تعلیمات ایسے پیغامات پر مشتمل ہیں جو انسانی زندگی اور خوشی کو متاثر نہیں کرتے ہیں اور الہی مذاہب کا ہدف لوگوں میں انصاف، آزادی اور امن قائم کرنا ہے۔

خانہ فرہنگ ایران کے ڈائریکٹر جنرل  مہران اسکندریان نے پاکستان کے کلیساوں کے ساتھ تعاون کی اہمیت پر تاکید کرتے ہوئے کہا: تعاون کو فروغ دینے، مذہبی مکالمے اور دینی میدان میں اسلامی جمہوریہ ایران کے مقدس نظام کے حقائق سے زیادہ آشنائی کے لیے اقلیتوں کے ساتھ ہر تعاون  کیلئے خانہ فرہنگ تیار ہے۔