پاکستانی پارلیمنٹ کے عام اجلاس میں اراکین نے اکثریت سے مسلم لیگ ن اور اس کے اتحادیوں کے امیدوار شہباز شریف کو وزیر اعظم کے طور پر منتخب کر لیا۔

واضح رہے عمران خان کی پارٹی سے وابستہ اراکین نے اجلاس میں اعتراض کیا اور انتخابات میں دھاندلی کا دعوی کیا۔ انہوں نے عمران خان کی تصویریں اٹھا رکھی تھیں اور نئے وزیر اعظم کے انتخاب کو غیر قانونی قرار دے رہے تھے۔
عمران خان کی پی ٹی آئی کے علاوہ جمعیت علمائے اسلام اور جماعت اسلامی جیسی کچھ پارٹیوں نے انتخابات میں خاص طور پر مسلم لیگ ن پر اس ملک کے طاقتور اداروں کے ساتھ ساز باز کا الزام عائد کیا ہے ۔

بہرحال شہباز شریف 201 ووٹوں کے ساتھ پاکستان کے 24ویں وزیر اعظم بن گئے ہیں۔

پاکستانی ذرائع کے مطابق نئے وزیر اعظم کل ایوان صدارت میں حلف برداری کی تقریب میں شرکت کریں گے ۔