انہوں نے کہا کہ مزاحمت ایک نظریہ ہے جو دل و جان میں سما چکا ہے۔

شیخ نعیم قاسم نے بتایا کہ حزب اللہ کا دائرہ وسیع ہے اور ہمارے پاس بہترین اور اعلیٰ صلاحیتیں اور بہت سے قائدین ہیں اور ہم دشمن کی جارحیت کے 10 دن کے اندر اندر بحال ہوگئے تھے۔

حزب اللہ کے سیکرٹری جنرل نے اپنی بات جاری رکھتے ہوئے کہا کہ مزاحمت کی نیتن یاہو کے گھر تک رسائی (ڈرون بھیجنا) مزاحمتی طاقت کا مظہر ہے۔

انکا کہنا تھا کہ ہم نے معاہدہ کیا اور جنگ بندی قبول کرلی، مگر ابھی تک 100,000 سے زیادہ غاصب صیہونی آباد کار شمالی فلسطین کی بستیوں میں واپس نہیں آئے۔

صیہونی حکومت کے خلاف مزاحمتی کارروائیوں کی وضاحت کرتے ہوئے حزب اللہ کے سیکریٹری جنرل نے کہا کہ ہم جس جگہ چاہتے میزائل داغ سکتے تھے، لیکن ہم نے صرف فوجی اہداف پر حملے کیے۔