رہبر معظم نے ایرانی ائیر چیف جنرل امیر علی حاجی زادہ کو "وعدہ صادق" آپریشن میں شاندار کارکردگی پر "نشان فتح" عطا کیا۔

ایرانی خبررساں ایجنسی کے مطابق  ایران کے مسلح افواج کے سپریم کمانڈر آیت اللہ خامنہ ای نے ایک تقریب کے دوران، سپاہ پاسداران انقلاب کے ائیر چیف کمانڈر جنرل امیر علی حاجی زادہ کو قومی تمغہ "نشان فتح" سے نواز دیا ۔

ایران کا قومی اعزاز "نشان فتح" سپاہ اسلام کو شاندار جنگی کارروائیوں اور آپریشنز کے فاتحین کی علامت کے طور پر دیا جاتا ہے۔

یہ قومی تمغہ کھجور کے تین پتوں، خرمشہر کی جامع مسجد کے گنبد اور اسلامی جمہوریہ ایران کے پرچم پر مشتمل ہے۔