محمد سائرس سجاد نے تاثرات کی کتاب پر دستخط کرنے کے بعد اسلام آباد میں متعین ایران کے سفیر رضا امیری مقدم سے ملاقات کی۔

ایرانی سفیر سے بات چیت کرتے ہوئے انہوں نے کہا کہ ہم ایرانی قوم کے درد کو سمجھتے ہیں کیونکہ ہم پاکستان میں دہشت گردی کے مذموم رجحان سے  نمٹنے میں مصروف ہیں۔

فریقین نے ایران اور پاکستان کے درمیان دوطرفہ تعلقات میں ہونے والی پیش رفت، دونوں ممالک کے وزرائے خارجہ کے درمیان حالیہ ٹیلی فونک گفتگو اور دہشت گردی کے مذموم رجحان کے خلاف موثر جنگ سمیت مختلف شعبوں میں دوطرفہ تعاون کے فروغ پر تبادلہ خیال کیا۔

اس سے پہلے پاکستان کے صدر عارف علوی نے صدر ایران کے نام اپنے تعزیتی پیغام میں کرمان میں ہونے والے دہشت گردانہ حملے کی مذمت کرتے ہوئے قیمتی جانوں کے نقصان پر ایران کی حکومت اور عوام سے دلی ہمدردی کا اظہار کیا تھا۔

گزشتہ جمعرات کو پاکستان کے دارالحکومت میں  قائم ایران کے سفارت خانے اور کراچی، لاہور، پشاور اور کوئٹہ میں ایران کے قونصل خانوں پر نصب اسلامی جمہوریہ ایران کا مقدس پرچم شہدائے کرمان کی یاد میں سرنگوں کر دیا گیا تھا۔