مہر خبررساں ایجنسی کی رپورٹ کے مطابق، ایران کی فضائیہ کی جانب سے جاری ایک بیان میں کہا گیا ہے کہ اسلامی جمہوریہ ایران کے حکام کی جانب سے جارح اور ناجائز صیہونی حکومت کو کسی بھی مہم جوئی سے خبردار کرنے کے باوجود، اس جعلی رجیم نے آج صبح ملک کے صوبوں تہران، خوزستان اور ایلام کے فوجی مراکز پر حملہ کیا تاہم ملک کے فعال فضائی دفاعی نظام نے مقابلہ کرتے ہوئے حملے کو ناکام بنا دیا، البتہ بعض مقامات پر محدود نقصانات ہوئے ہیں اور اس واقعے کے تمام پہلووں کی تحقیقات جاری ہیں۔

اس سلسلے میں عوام کو یکجہتی اور امن برقرار رکھنے کی دعوت دیتے ہوئے درخواست ہے کہ وہ ان واقعات سے متعلق خبروں پر قومی میڈیا کی تصدیق شدہ خبروں پر عمل کریں اور دشمن میڈیا کی افواہوں اور جھوٹ پر توجہ نہ دیں۔