معزز حضرات حجت الاسلام والمسلمین جناب شیخ محمد اسحاق نجفی صاحب
اور جناب حجت الاسلام والمسلمین جناب شیخ انور علی نجفی

سلام علیکم

مفسر جلیل القدر عالم دین اور مدرسہ جامعة الکوثر پاکستان کے بانی آیت اللہ شیخ محسن علی نجفی رحمۃ اللہ علیہ کی وفات کی خبر نے مجھے گہرے رنج و غم میں مبتلا کردیا۔
مرحوم شیخ محسن علی نجفی نے حوزه علمیه نجف میں سید ابوالقاسم خوئی اور سید محمد باقر صدر رحمۃ اللہ علیہ جیسے استادوں اور بزرگوں کی موجودگی میں فیض حاصل کیا۔ معاشرے کے مختلف شعبوں میں پسماندہ افراد کے لیے ان کی گراں قدر خدمات نے انھیں "محسن ملت جعفریہ" کے وزنی لقب سے شہرت بخشی۔ مسلمانوں کے اتحاد اور اسلامی مذاہب کی یکجائی کا مسئلہ ان کی مستقل فکر تھا۔ پاکستان میں جامعة الکوثر، جامعة اہل بیت (ع) اور اسوه تعلیمی کمپلیکس کی بنیاد اور قیام اور الکوثر تفسیر کی تصنیف، مرحوم نجفی کی اسلام کے روشن میدان میں گراں قدر خدمات میں سے ہیں اور صدقہ جاریہ اور اس صالح دنیا کی باقیات، طلباء کے لئے ایک رول ماڈل اور مشعل راه ہے۔

میں اس فاضل مفسر اور مقرب شخصیت کے انتقال پر پاکستان کے علمائے کرام، بزرگان دین، اس ملک کے دیانتدار اور معزز لوگوں کے ساتھ ساتھ محترم خاندان، محترم مرحوم کے فرزندوں  کو تعزیت پیش کرتا ہوں۔ خداوند متعال سے دعا ہے کہ وہ انہیں اعلیٰ درجات عطا فرمائے اور پسماندگان کے لیے صبر جمیل اور صحت کی دعا کرتا ہوں۔