اس مشاعرے میں شریک تمام شعراء نے فلسطینی مجاہدین کو منظوم خراج عقیدت پیش کرتے ہوئے ان کے ساتھ یکجہتی کا اظہار کیا۔ تمام شعراء نے فلسطین کے مظلوم عوام کے حق میں غاصب اسرائیلی حکومت اور اس کے ہمنوا مغربی ممالک کے انسانیت سوز مظالم کے خلاف صدائے احتجاج بلند کی اور ان مظالم پر بعض اسلامی ممالک کی مصلحت پر مبنی خاموشی کی شدید مذمت کی۔ محفل مشاعرہ کے دوران خانہ فرہنگ جمهوری اسلامی ایران کراچی کے ڈائریکٹر ڈاکٹر سعید طالبی نیا نے خطاب میں مظلوم فلسطینیوں پر اسرائیلی مظالم کے خلاف پاکستان میں اٹھنے والی عوامی صدائے احتجاج کی تعریف کی۔ محفل مشاعرہ کے اہم شعراء میں شاداب احسانی، سلیم فوز، کشور عدیل جعفری، ارتضیٰ جونپوری، عثمان جامی، ڈاکٹر فائزا زہرا میرزا، ڈاکٹر جاوید منظر، ضیا زیدی، سندھو پیرزادہ و دیگر شامل تھے۔ محفل مشاعرہ میں نظامت کے فرائض معروف انقلابی شاعرہ معصومہ شیرازی نے انجام دیئے۔ مشاعرے کے آخر میں شرکاء نے فلسطینی مجاہدین اور تحریک آزادی فلسطین کی کامیابی کیلئے دعا بھی کی۔