فریدونکنارصوبہمازندرانکےسبسےخوشگواراورسیاحتیشہروںمیںسےایکہےجوکہمازندرانصوبےکےمشرقیحصےمیںواقعہےاوراپنیخوبصورتفطرتکیوجہسےسالبھرسیاحوںکامرکزبنارہتاہے۔فریدونکارمازندرانصوبےکےساحلیشہروںاورملککےخوبصورتترینشمالیساحلوںمیںسےایکہے۔بہتسےسیاحجواسشہرکاسفرکرتےہیںوہاپنےسفرکےلیےفریدونکنارمیںسیاحتیمقاماتکیتلاشمیںرہتےہیںتاکہوہاسشہرمیںایکبہتہیخوشگوارسفرکاتجربہکرسکیں۔اسمضمونمیںہماپنےمعززقارئیناورایرانمیںسیاحتکےلئےجانےوالےافرادکیلئےفریدونکارکےسیاحسیمقاماتکےبارےمیںمعلوماتفراہمکرنےکیکوششکرتےہیں۔

٭فریدونکارشہر کی تاریخ٭

فریدونکار صوبہ مازندران کے شہروں میں سے ایک ہے جو اس صوبے کے مشرق میں واقع ہے اور مازندران کے خوبصورت ساحلی شہروں میں سے ایک سمجھا جاتا ہے۔ اس شہر کے باشندے مازندرانی زبان بولتے ہیں۔ فریدونکنار چاول اور پھلیاں کی کاشت کے لیے بہت زرخیز زمین ہے، اور بہت سے آبی ذخائر اور ڈیموں نے اس شہر کے لیے ایک معتدل آب و ہوا پیدا کی ہے۔ اس لیے یہ سائبریہ سے نقل مکانی کرنے والے پرندوں کے لیے بہترین رہائش گاہوں میں سے ایک ہے۔

اس شہر کو پرانے زمانے میں فیری کینار کہا جاتا تھا۔ کچھ لوگوں کا خیال ہے کہ اس شہر کو فیری کینار اس لیے کہا جاتا تھا کیونکہ جمشید کے نواسوں میں سے ایک فریدون جام کو یہ علاقہ ملا تھا۔

اس شہر کا ساحل ہمیشہ ملک کے شمالی اور جنوبی شہروں کے سیاحوں کی توجہ کا مرکز رہا ہے۔ فریدونکنار میں سب سے خوبصورت اور بہترین سیاحتی مقامات میں سے ایک فریدونکنار ساحل سمندر ہے۔ اس ساحل کی لمبائی ۸ کلومیٹر ہے اور اس کی خصوصیات میں ریتلی، ہلکی ڈھلوان اور ساحل سمندر پر تفریح اور تیراکی کے لیے ریتیلا ساحل شامل ہیں۔

اس علاقے کا ساحل سمندر جو کہ فریدونکنار کے خوبصورت سیاحتی مقامات میں سے ایک سمجھا جاتا ہے، میں مردوں اور خواتین کیلئے الگ ساحل ہیں تاکہ سیاح بحیرہ کیسپین میں تیراکی کا لطف اٹھا سکیں۔تاہم اس بات کا خیال ضروری ہے کہ اس سمندر میں تیراکی کے لیے حفاظتی نکات پر عمل کرنا یقینی بناضروری ہے تاکہ کوئی خطرہ یا پریشانی نہ ہو۔ اس کے علاوہ، ضروری سامان اور اضافی کپڑے لانا نہ بھولیں۔

٭فریدونکار پرندوں کی پناہ گاہ٭

فریدونکار میں پرندوں کی پناہ گاہ ایک اور دیکھنے کی جگہ ہے، جس میں ہجرت کرنے والے پرندوں کی ۸۷ سے زیادہ اقسام رہتی ہیں ۔ یہ فارم تقریبا ۴۶ ہیکٹر کے رقبے میں بنایا گیا ہے اور یہ آبی ہجرت کرنے والے پرندوں کے لیے رہنے کے لیے موزوں‌ ترین ماحول کے طور پر جانا جاتا ہے۔ یہ فارم پہلوی دور میں بنایا گیا تھا اور اس میں پرندے جیسے سمندری بگلے، سفید بطخ، ، مور، ایکورن، سرخ بل والے ٹرنز، ایکورن بطخ وغیرہ رہتے ہیں۔

جب چاول کے کاشتکار چاول کی کٹائی ختم کرتے ہیں توہجرت کرنے والے پرندے اس زمین پر آنا شروع کرتے ہیں اور یہ زمینیں ۶ سے ۷ ماہ کی مدت تک ان کی میزبانی کے لیے تیار ہوتی ہیں۔

٭فریدونکار کے تاریخی مقامات٭

فریدونکنار ملک کے شمال میں واقع تاریخی اور پرانے شہروں میں سے ایک ہے اور اسی وجہ سے اس میں بہت سی تاریخی عمارتیں موجود ہیں۔ اس تاریخی شہر کو کئی ہزار سال کی پہاڑیاں بھی کہا جاتا ہے۔ ان کئی ہزار سال پرانی پہاڑیوسے کئی سال پرانے مٹی کے برتن ملے ہیں۔ فریدونکنار کی دیگر تاریخی یادگاروں میں ایک پہاڑی ہے جس پر ایک ہزار سال پرانا قلعہ بنایا گیا تھا اور اسے واچ ٹاور کے طور پر استعمال کیا جاتا تھا۔

٭لالہ فریدونکار پارک٭

لالہ پارک سیاحوں کی توجہ کا مرکز مسافروں اور سیاحوں کے قیام کے لیے بہترین جگہوں میں سے ایک ہے۔ اس پارک میں مسافروں کے لیے ایک محفوظ اور اچھی طرح سے لیس ماحول پیدا کرنے کے لیے تمام سہولیات فراہم کی گئی ہیں۔ بہت سے سیاح جو اس شہر کا سفر کرتے ہیں اور اپنی رہائش کے اخراجات کو کم کرنے کے لیے جگہ تلاش کر رہے ہیں وہ لالہ فریدونکنار پارک جا سکتے ہیں۔ یہ پارک سمندر کے کنارے واقع ہے اور آپ اس میں جاکر اور چہل قدمی کرکے سمندری لہروں اور پرندوں کی پر سکون آواز سے لطف اندوز ہوسکتے ہیں۔ اس پار ک میں نماز خانہ، بیت الخلا وغیرہ موجودہیں اور اس وجہ سے سیاح اور مسافر خیمے لگا کر آرام دہ ماحول میں قیام کر سکتے ہیں۔

٭فریدونکار کا چڑیا گھر٭

فریدونکار کا چڑیاگھربھی اس علاقے کے پرکشش مقامات میں شمارہوتاہے۔ اس شاندار پرکشش مقام کو شمالی ایران میں پرندوں کا پہلا باغ کہا جاتا ہے اور یہ اس شہر کے سمندر کے قریب واقع ہے۔ اس برڈ گارڈن میں جن پرندوں کو رکھا گیا ہے ان میں مختلف اقسام کے پرندے شامل ہیں اگر آپ پرندوں میں دلچسپی رکھتے ہیں اور ان کی زندگی کو قریب سے دیکھنا چاہتے ہیں تو آپ فریدونکنار کے سیاحتی مقامات کے درمیان واقع فریدونکارچڑیا گھرجائیں اور اپنے لیے خوشگوار اور یادگار یادیں ریکارڈ کریں۔

٭ازباران گائوں٭

ازباران گائوں طویل طاریخ کا حامل، بہت خوبصورت فطرت اور ہریالی جگہوں پر مشتمل گائوں ہے اوریہ فریدونکنار کے خوبصورت علاقوں میں سے ایک کے طور پر جانا جاتا ہے۔ یہ گاوئں فریدونکنار سے ۵ کلومیٹر کے فاصلے پر واقع ہے اور اس میں ۶ ڈیم شامل ہیں ۔ اس گائوں کے لوگ ماہی گیری، کھیتی باڑی اور مہاجر پرندوں کے شکار سے روزگار چلاتے ہیں۔ اگر آپ فریدونکنار کے پرکشش مقامات میں سے ازباران گائوں کا انتخاب کرنے کا فیصلہ کرتے ہیں اور اس میں جاتے ہیں، تواس گائوں کے لوگ آپ کا استقبال خوش اخلاقی سے کریں گے۔ ازباران گائوںبہت خوبصورت اور سر سبز ہے اور یہاں دھان کے بہت سے کھیت ہیں جن میں اعلی قسم کے چاول اور چائے کاشت کی جاتی ہے۔ اس کے علاوہ اس گائوں میں دفاع مقدس کے دور کے ۴۳ شہدا ہیں، جن کی قبریں سبزہ زار اور گھنے جنگلات کے سائے میں واقع ہیں۔

٭خزرکاساحلی شہر٭

فریدونکنار کے خوبصورت شہر میں بہت سے قصبے ہیں جن میں سے ایک مشہور ساحلی قصبہ خزرہے اور اسے فریدونکنار کے پرکشش مقامات میں سے ایک کے طورپرجاناجاتاہے۔ یہ قصبہ فریدونکنار سے ۶ کلومیٹر کے فاصلے پر واقع ہے۔چونکہ یہ گائوں ساحل سمندر پر واقع ہے اس لئے یہاںسیاحوں کا رش لگارہتا ہے اوردوردرازکے علاقوں ا وربیرون ملک کے سیاحوں کی بڑی تعداد اس علاقے کا رخ کرتے ہیں۔

٭فریدونکار کے لوہے کا پل٭

فریدونکارکے لوہے کا بھی بہت ہی مشہور ہے، شہر کے وسط میں واقع اس پل کو ایک تاریخی پل سمجھا جاتا ہے اور اس کی عمر ۸۰ سال سے زیادہ ہے۔ اس پل کی لمبائی ۸۰ میٹر، چوڑائی ۸ میٹر اور اونچائی ۱۶ میٹر ہے۔ سیاح اس پل کے اوپر سے طلوع آفتاب اور غروب آفتاب کا نظارہ کر سکتے ہیں اور خوبصورت تصاویر لے سکتے ہیں۔

٭جزین گائوں٭

ایک اور گائوں جو فریدونکر شہر میں واقع ہے اور فریدونکار کے مشہور مقامات میں سے ایک ہے، جزین گائوںہے۔ اگر آپ فریدونکنار میں سیر و تفریح کیلئے خوبصورت مقامات کی تلاش میں ہیں، تو آپ جزین گائوں جاکروہاں کی حیرت انگیز فطرت سے لطف اندوز ہو سکتے ہیں۔ کیونکہ اس گائوں نے اپنی تقریبا ً60 ہیکٹر اراضی سبز جنگلات اور تقریبا ً50 ہیکٹر جھیل کے لیے مختص کی ہے۔ اس گائوں کے جنگل میں سے ایک بہت ہی خوبصورت اور دلکش دریا بہتا ہے، جس نے جزین کے لیے ایک بہت ہی خوبصورت منظر اور فطرت پیدا کی ہے۔

٭فریدونکنار جانے کا بہترین وقت٭

فریدونکنار، جو صوبہ مازندران کے سیاحتی شہروں میں سے ایک ہے کا آب و ہوا معتدل اور مرطوب ہے۔ اس شہر میں بہت زیادہ بارشیں ہوتی ہیں اور اسی وجہ سے اس شہر میں چاول کے بہت سے کھیت اور زرعی زمینیں ہیں جو بارشوں سے سیراب ہوتی ہیں۔ فریدونکارمیںموسم گرمامیں شدیدگرمی ہوتی ہے جسے جسے کئی لوگوں کے لئے برداشت کرنا مشکل ہو سکتا ہے۔ اسی طرح سردیاں بھی زیادہ ہوتی ہے ۔فریدونکار جانے کا موزوں وقت بہار اورخزاں کے موسم ہیں۔

٭فریدونکارکے تحائف اور دستکاری٭

تقریبا ًتمام شمالی شہروں کے اپنے تحائف اور دستکاری ہیں۔ فریدونکنار کا خوبصورت شہر بھی شمالی شہروں کے اس گروپ کا حصہ ہے اور اس شہر کی سب سے مشہور اور بہترین یادگاروں میں سے ایک اعلی قسم کے چاول ہیں۔ اس شہر کا سفر کرنے والے زیادہ‌ تر سیاح اس کے خوشبودار چاولوں کے شوقین نکل آتے ہیں۔اس کے علاوہ اس شہر میں بہت خوبصورت دستکاری ہے، جیسے کہ بہت خوبصورت اور رنگین قالین، چٹائیاں، لکڑی کے نقش و نگار، مازندرانی سوئی کا کام وغیرہ۔ ایک بار جب آپ ان خوبصورت دستکاریوں کو دیکھ لیں، تو یہ ناممکن ہے کہ انہیں اپنے لیے اور تحائف کے طور پر نہ خریدیں۔