جشن ولادت باسعادت امام علی علیہ السلام و سالگرہ انقلاب اسلامی ایران کے موقع پہ خانہ فرہنگ اسلامی جمہوریہ ایران، راولپنڈی کی جانب سے آن لائن کوئز بعنوان « سیرت امام علی علیہ السلام و جشن انقلاب اسلامی» کا انعقاد کیا گیا، جس میں ملک بھر سے ۹۰ سے زائد مرد و خواتین نے حصہ لیا، کوئز کے نتائج کا اعلان خانہ فرہنگ اسلامی جمہوریہ ایران راولپنڈی میں منعقد پروگرام « انقلاب اسلامی جدید اسلامی تہذیب کا نقطہ آغاز» میں کیا گیا۔ کوئز میں پہلی پوزیشن علی اصغر ولد غلام علی (اسلام آباد)، دوسری پوزیشن مظاہر حسین ولد محمد حسن (راولپنڈی)   اور تیسری پوزیشن شان مہدی ولد واجد علی (راولپنڈی) نے حاصل کی۔ کوئز میں پوزیشن حاصل کرنے والے خوش نصیبوں کو کیش پرائز سے نوازا گیا۔